Моцная навальніца з ураганным ветрам прайшла па Магілёўскай вобласці ноччу з 2:00 да 3:30. У эпіцэнтры аказаліся Магілёў, а таксама Магілёўскі, Чавускі і Шклоўскі раёны. Парывы ветру сягалі 23 м/с.
У Магілёве дрэва ўпала проста на 33-гадовую жанчыну - яна загінула на месцы. Пацярпелі яшчэ чатыры чалавекі, адзін з іх знаходзіцца ў цяжкім стане.
Бура выклікала сур'ёзныя наступствы: у горадзе павалены дрэвы, парушана электразабеспячэнне. Без святла засталіся Магілёўская бальніца №1 і паліклініка №2. Таксама экстранна была спынена праца прадпрыемстваў «Магілёўэнерга» і «Хімвалакно».
Крыніца: Радыё Свабода/юл